Rabu, 13 Mac 2013

13 di chukai - Google Blog Search

13 di chukai - Google Blog Search

Pemuntang sistem e-Bayaran LHDNM ngemayuhka pemayar <b>...</b>

Posted: 07 Feb 2013 01:28 PM PST

KUCHING: Pengawa Opis Penatai Pemisi Dalam Menua (LHDNM) ke nengkebang chara mayar chukai ngena sistem elektronik meransang pemayar chukai nengah sistem 'e-Bayaran LHDNM' ke bisi disediaka LHDNM enggau ijin ke ngumpul LHDNM.

Sapit Kepala Pemesai Eksekutif (Operasyen Chukai) LHDNM Dato Mohammad Sait Ahmad madah, pengawa mayar ngena chara e-Bayaran mungkur laman web LHDNM enggau ijin bank ke nyendiaka servis ti disediaka nengah mesin juruwang automatik (ATM), mesin deposit tunai (CDM) enggau atur bank betelefon.

Ke diatu LHDNM udah maduka 12 ijin ngumpul (6 di Sarawak naka ke diatu), iya nya bank enggau Pos Malaysia mutarka servis mayar nengah internet tauka atur bank elektronik.

Enam ijin di Sarawak ke diatu iya nya Maybank, Bank RHB, OCBC, CIMB, Bank Rakyat enggau Pos Malaysia.

"Tuju LHDNM maduka ijin pengumpul tu laban deka ngerembaika agi chara mayar chukai enggau asil ari tu, ngemuntangka pemayar chukai ngadu tanggungpengawa sida ke menua.

"Enggau chara tu mega, gumpul asil perintah ulih dikejampat sereta lanchar," ku iya.

Iya madah baka tu lebuh bejaku ba atur pengawa Mayar nengah Chara Elektronik (PBSE) 2013 di luar opis LHDN ditu, kemari.

Iya nambah, LHDN ngambi kuasa mungkal pengawa ngemansangka diri sereta mayar nengah chara elektronik ba web e-Bayaran, e-PCB, e-Data PCB enggau STAMPS.

Iya nandu, nengah bemacham strategi enggau program ti dipejalaika ari taun siti ngagai taun siti, LHDNM beratika serunyut mensia ke mayar nengah elektronik nambah ninting taun ari taun 2012 alai penyampau nya diperatika jauh udah niki lebuh program nya dikena keterubah iya taun 2012 ba Opis Pampang Ngumpul Kuala Lumpur enggau opis pampang Jalai Duta ke nyadi tuai rumah.

Dalam taun 2011, penyampau persin gumpul nengah bayar elektronik manggai urung 1.53 persin aja.

Taun 2012, penyampau persin gumpul nambah ngagai 18.53 persin enti dibanding enggau 2011, ke mungkur ke semua penyampau datai ba 20.06 persin.

"Penambah penyampau nya ngayanka pemayar chukai udah nemu chara bebayar nengah elektronik baka tu muntang endar, likun sereta enda masau hari," ku iya.

Mohammad Sait madah baru, pemuntang mayar nengah chara elektronik nyadi berat enti dibanding enggau chara baka selama ba pengawa mayar chukai.

"Sebengkah ari kebuah iya muntang dikena laban kitai kurang masau hari, nyimat belanja bebayarka paking kerita tauka saman, wang tau lenyau sereta bayar ngagai wakil ke diasuh kitai mayar chukai kitai.

"Tambah mega, nengah chara e-Bayaran LHDNM, transaksyen ulih digaga ba sebarang endur lalu enda ngira jam.

Enggau chara meri kelala bayar nengah elektronik, pengerembai mensia mayuh (HR) LHDNM ulih diasuh ngereja pengawa bukai baka ngemutarka bayar pulai baru chukai," ku iya.

Kelimpah ari program PBSE, strategi bukai ke diberi kelala LHDNM, iya nya ngatur penerang ungkup pemesai LHDNM, pemayar chukai enggau palan alai gawa, ngaga promosyen nengah laman web LHDNM kelimpah ari promosyen bechelak BPPC ninting taun, nyendiaka 'hyperlink' ke semua aplikasyen 'online' LHDNM baka e-Filing enggau e-PCB ngagai aplikasyen e-Bayaran LHDNM, madah ngagai pemayar chukai pasal servis mayar chara elektronik ke bisi disediaka pengereja pengawa ba kaunter LHDNM.

Category: Berita Iban, Sarawak
Dicatat oleh di

Tiada ulasan:

Catat Ulasan

Langgan: Catat Ulasan (Atom)

ads